Podemos Nigrán renova os cargos do seu equipo de coordinación municipal, sendo a súa nova voceira Lucía Chamorro Figueroa, candidatura validada pola militancia de xeito unánime.
O seu equipo técnico contará con diversas delegacións:
- Alejandro Días responsable de animalismo e medio ambiente.
- Antía Fernández responsable de coordinación interna, xuventude, educación e cultura.
- Catalina Costas responsable de participación cidadá.
- Marcos Costas responsable de deportes.
- Yara Gómez responsable de servizos sociais.
- Xoán Álvarez responsable de emprego e vivenda.
- Dámaris Sánchez responsable LGTBI.
O grupo dinamizador do Círculo está constituído por Marcos Costas como enlace territorial, Catalina Costas como enlace de comunicación, Yara Gómez como enlace de feminismos e Antía Fernández como enlace de organización e finanzas.
“A nosa motivación e obxectivo é mellorar a vida da nosa veciñanza, por iso continuaremos coa liña de traballo dos últimos anos, escoitando e defendendo os intereses da cidadanía”, manifesta a nova voceira, Lucía Chamorro Figueroa.
Así mesmo, a responsable de organización e finanzas, Antía Fernández, engade que “temos unha dirección composta na súa maioría por mulleres, número que vese aumentado co número de novas militantes, o que demostra que a feminización da política está a medrar e vén para quedarse”.
