Con motivo da campaña de control de motocicletas, establecida pola DXT para a pasada fin de semana, 07 e 08 de maio, polo Subsector de Tráfico de Pontevedra establecéronse dispositivos orientados a controlar os desprazamentos nas estradas máis frecuentadas por este tipo de vehículos, ao obxecto de poder detectar aquelas condutas máis imprudentes, coa finalidade de reducir a accidentalidade.
Ademais dos vehículos rotulados, empregáronse motocicletas camufladas, con axentes de paisano utilizando chalecos reflectores oficiais. Desde o Subsector de Tráfico de Pontevedra, independentemente das campañas que poida prever a DXT, continuarase con este tipo de dispositivos, sobre todo as fins de semana en que a climatoloxía permita ou favoreza o incremento de desprazamentos neste tipo de vehículos.
