O Instituto de Estudos Miñoráns organiza un obradoiro de introdución á Galipedia/Wikipedia. Dito obradoiro desenvolverase en tres sesións: os venres 22 de abril, 6 e 20 de maio, e serve como continuación á charla introdutoria do pasado 4 de marzo.
O curso será impartido por Adrián Estévez, mestre e filólogo, editor desde hai 15 anos na Galipedia. Os asistentes aprenderán a crear, modificar e engadir contidos, así como imaxes. Prestarase especial atención a temas relacionados coa nosa comarca, desde a xeografía e o patrimonio até as personalidades ou o deporte.
As prazas están limitadas a 15 persoas en total, cun prezo de inscrición de 15 euros. Será necesario levar ordenador portátil ou tablet. As inscricións poden realizarse na seguinte ligazón.
