O alcalde de Gondomar, Paco Ferreira, visitou xunto á deputada socialista do Parlamento de Galicia, Leticia Gallego, varias estradas de titularidade autónomica nas que a Xunta leva anos sen facer ningún investimento nin mantemento.
Así, o rexedor municipal e membros do goberno local, xunto a Leticia Gallego, desprazáronse á PO-331 na parroquia de Vincios, onde os veciños levan anos reclamado a mellora das beirarrúas, que se atopan nun estado de total abandono, así como a mellora da seguridade viaria nun punto de alto tránsito. O alcalde subliñou a necesidade da instalación neste tramo de varios pasos recrecidos así como una rede semafórica que permita a mellora da seguridade peonil.
O alcalde indicou que “os viarios de titularidade autonómica, tanto a PO-331 entre Porriño e Gondomar, como a P0-340 entre Gondomar e Tui, se atopan nun estado de total abandono por parte da Xunta. En moitos tramos destes viarios, as beirarrúas atópanse intransitables e en outros tramos son directamente inexistentes”.
Pola súa banda, Leticia Gallego indicou que levará estas demandas tanto do Concello como dos propios veciños ao Parlamento de Galicia a través de diferentes iniciativas parlamentarias que “insten á Xunta de Galicia a asumir a súa responsabilidade nuns viarios que son unicamente da súa competencia, e atender as demandas do Concello de Gondomar e do seu alcalde”.
