Este venres 8 de abril ás 19:00 horas terá lugar no Auditorio Lois Tobío de Gondomar o concerto da guitarrista Yaiza Comesaña, no que interpretará obras de S. L. Weiss e M. Ponce. A artista comezou a súa formación no Conservatorio Elemental de Gondomar, e ao longo da súa carreira traballou con diferentes mestres como Eneas Freire, Antonio Rocha ou Margarita Escarpa. Na actualidade continúa ampliando os seus estudos na Luca School of Arts de Bélxica no que realiza o mestrado en guitarra clásica da man de Raphaella Smits e João Carlos Victor. Entrada de balde ata completar aforo.
