A madrugada do xoves ao venres, ás 04:58 horas, o servizo de emerxencias 112 deu aviso á Sala de Comunicacións do 092 da Policía Local de Vigo dun home que se atopaba dentro dun portal, na rúa Emilia Pardo Bazán, e que se estaba poñendo agresivo. Unha vez no lugar, identificáronlle, resultando ser D.A.C, de Nigrán e 37 anos de idade. Apreciábanselle síntomas de atoparse baixo a influencia de bebidas alcohólicas, tratando de abandonar o lugar no seu vehículo, advertíndolle os Axentes que nese estado non podía conducir.
Facendo caso omiso, subiuse ao seu turismo, cando os Actuantes dispoñíanse a abandonar o lugar, iniciando a marcha. Foi interceptado e finalmente realizóuselle a proba de alcoholemia, lanzando esta un resultado positivo de 0,77 mg/l e 0,75 mg/l, o que excede do límite penal. Confeccionáronse as pertinentes dilixencias xudiciais, constatando a maiores que a esta persoa, tamén lle constaba unha perda de vixencia desde febreiro deste mesmo ano en curso.
Denuncióuselle administrativamente por ese motivo e notificóuselle in situ cunha acta escrita. O vehículo foi retirado ao depósito municipal con cargo de guindastre, debido a que non se localizou condutor habilitado para facerse cargo do mesmo.
