O club ciclista +Enduro MTB, apoiado polo Concello de Gondomar, organiza por cuarto ano o Enduro Serra do Galiñeiro. Celebrarase este domingo 17 de outubro, sendo o sábado día de adestramentos libres. A proba desenvolverase dentro da Comunidade de Montes de Vincios, sendo o seu punto neurálxico o Centro Cultural de Vincios.
A proba, que conta con 140 inscritos, constará de 5 tramos de ligazón (TE) con tempos pechados e 5 tramos cronometrados (TC) individuais. Os TC terán un perfil descendente con pequenos tramos de pedaleo dentro dos mesmos. A suma de todos os TC e TE darán unha distancia aproximada de 25km e un desnivel positivo estimado de 1100 mts.
A competición arrancará ás 9:00 da mañá, estando prevista a entrega de premios para as 14:00 horas.
