A Garda Civil detivo a un veciño da comarca do Baixo Miño, como presunto autor de 18 denuncias de estafa continuada labores en Baiona, ao colgar nunha coñecida páxina de anuncios da internet, o alugueiro de varios pisos e casas en Baiona. Segundo as investigacións realizadas pola área de Investigación do Posto da Garda Civil de Baiona, a comezos da presente época estival comézanse a recibir denuncias pola presunta comisión de delitos de estafa, relacionados co alugueiro de pisos e casas turísticas inexistentes en Baiona.
Todas estas denuncias gardan un denominador común, que se publican nunha coñecida páxina de anuncios da internet, e os estafados son de distintas partes de España. No anuncio, solicitaba ás persoas interesadas, que para reservar o inmoble tiñan que facer unha transferencia bancaria por importes de ata 390 euros, iso fai supoñer que o autor é coñecedor de que se supera os 400 euros, sería un delito grave, e atoparíase ante outras sancións penais máis gravosas.
Unha vez que se aproxima a data de ocupación, o arrendador explica aos inquilinos, que os anteriores moradores da vivenda deron positivos en Covid e que deben quedar illados, polo que non é posible que dispoñan da casa, ofrecéndolles a devolución do diñeiro da reserva, que nunca chegou a efectuar.
En base ás xestións realizadas, reúnense indicios suficientes para atribuír a presunta comisión destes delitos a un veciño do Baixo Miño, de 42 anos, con antecedentes policiais similares, que é detido e posto en liberdade en sede policial. As dilixencias instruídas entregáronse no Xulgado de Instrución nº 4 de Vigo, onde deberá comparecer o detido cando sexa requirido.
