A Unidade de Mobilidade e Seguridade viaria (UMSV) da Garda Civil para a 76ª edición da Volta ciclista a España, percorrerá durante a 20ª etapa do evento a provincia de Pontevedra, con saída na localidade de Sanxenxo e final de etapa no Castro de Herville.
Está composta por un total de 130 gardas civís. 85 da Agrupación de Tráfico procedentes de case toda España, que tiveron que superar un arduo proceso de selección previo e que darán protección dinámica aos ciclistas e mobilidade e seguridade viaria, en xeral, a todo o evento; 39 compoñentes da Agrupación de reserva e Seguridade, dos grupos de Pontevedra e Tenerife, encargados da seguridade cidadá e a orde pública no interior das etapas, especialmente nos portos de montaña e en zonas de aglomeración de persoas e 6 gardas civís do Servizo Aéreo de Madrid, os cales desde o aire, co apoio dun helicóptero, darán cobertura a todo o dispositivo.
En canto a medios materiais, a Agrupación de Tráfico achega ao dispositivo 63 motocicletas, 1 turismo, 4 monovolúmenes, 3 furgóns e 1 camión; a Agrupación de reserva e Seguridade 9 vehículos todoterreo e 3 furgóns e o Servizo aéreo 1 helicóptero, 1 monovolume e 1 camión cisterna.
A Comandancia da Garda Civil de Pontevedra, pola súa banda, apoiará o paso da UMSV achegando un total de 20 gardas civís para labores de seguridade cidadá e a outros 60 axentes da Agrupación de Tráfico en labores de seguridade viaria.
Mentres que o percorrido oficial da Volta contará con 3336,1 quilómetros, a UMSV percorrerá un total aproximado de 10000 quilómetros, entre etapas e desprazamentos.
A UMSV, co apoio do Sector de Tráfico de Galicia, montará unha Caseta na zona de meta, en Estrada de Zamáns 40, no que se poderá observar unha conxugación de medios materiais actuais e de época e no que diversos gardas civís resolverán todas as dúbidas do público que se achegue.
