As últimas semanas estivéronse producindo actos vandálicos que xeraron danos de pouco valor tanto en bens privados como públicos. O concelleiro de Seguridade Cidadá, Óscar Martínez, indica que “a pesar de que se produciron en menor cantidade que outros anos, a situación na que nos atopamos, sen lecer nocturno nin macrobotellóns, fai que estes actos chamen máis a atención”.
En diversas actuacións conxuntas da Policía Local e a Garda Civil identificáronse a varios mozos, tendo que sancionar a algún deles por causas como alcoholemia, danos en propiedade pública ou desorde pública. O alcalde, Carlos Gómez, agradece o esforzo de ambos os dous corpos e asegura que seguirán traballando para minimizar esta serie de actos que afecta o noso municipio.
