Do 23 ao 25 de xullo celebrouse en Trasona o Campionato de España de Sprint Olímpico “Jóvenes Promesas”. A baionesa Iria Ludeña volveuse a proclamar campioa de España xunto coas súas compañeiras do Kayak Tudense Irea Alonso, Daniela Álvarez e Uxía Rodríguez. O equipo pontevedrés fíxose coa medalla de ouro na final de Mulleres Cadete K-4, cunha marca de 1:49.309. O segundo posto foi para o equipo do Club Piragüismo Verducido-Pontillón, formado por Marta Carles, Ánxela Fontán, Verónica Rodiño e Carmen Ventura (1:52.224). Pechando o podio, Ainhoa del Río, Claudia Rodríguez, Patricia Ros e Yasmin Tirado, do Club Escola Piragüismo Aranjuez (1:52.789).
