O pasado día 14, no km. 10,800 da PO-552, localidade de Nigrán, unha patrulla do Destacamento de Tráfico da Garda Civil de Porriño que realizaba un control de alcol/drogas deu o alto a unha motocicleta cuxo condutor se deu á fuga.
Fíxose cargo da investigación para localizalo o Equipo GIAT do Subsector de Tráfico da Garda Civil de Pontevedra, sendo detectado a mañá do día 21, cando circulaba na motocicleta e sen casco de protección, pola estrada EP-2203 na parroquia de Baredo, Baiona.
Ao condutor, un veciño de Gondomar, de 42 anos figúralle unha perda total de puntos asignados, polo que se lle investiga por dous delitos contra a seguridade viaria, de ser considerado culpable pola autoridade xudicial, pode ser condenado a penas de prisión de 3 a 6 meses, multa de 12 a 24 meses ou traballos en beneficio da comunidade de 31 a 90 días, por cada un deles, sendo remitidas as dilixencias ao Xulgado de Garda de Vigo.
Así mesmo é denunciado administrativamente por conducir a motocicleta sen casco de protección, infracción grave sancionada con 200 € e perda de 3 puntos no permiso de condución, por ter caducada a ITV da mesma, infracción grave sancionada con 200 €, e polo pneumático dianteiro sen reunir as condicións adecuadas, infracción grave sancionada con 200 €.
Cando non sexa posible a actuación inmediata en condutas delituosas en materia de seguridade viaria, non se dan por finalizadas as xestións ata poder proceder á investigación dos autores.
