Unha decena de establecementos participan na 8ª edición da Festa da Empanada de Gondomar

A Asociación de Empresarios e Comerciantes do Val Miñor OVALMI, en colaboración coa Concellería de Comercio do Concello de Gondomar, organiza do 20 ao 23 de maio a 8ª edición da Festa da Empanada. Neste evento participan 10 establecementos hostaleiros do municipio, que enxalzan esta delicia culinaria tan arraigada na tradición de Galicia, convidándonos a facer un percorrido gastronómico no que poderemos degustar diferentes especialidades de empanada, sendo o prezo da ración de 2,50€.

As persoas que se acheguen a Gondomar poderán probar estas deliciosas receitas, votar e elixir á “Mellor Empanada 2021”, a través das papeletas que terán á súa disposición en todos os establecementos participantes e as cales deberán ser depositadas, unha vez cubertas correctamente, nas urnas dispostas para tal efecto. Os premios que se sortearán entre todos os votantes serán 4 vales de 25€ cada un, para consumir nos establecementos participantes nesta edición.

Como novidade, este ano, un xurado profesional valorará as empanadas ofrecidas polos participantes. O establecemento que consiga unha maior puntuación outorgada polo devandito xurado terá un premio especial, patrocinado polo Parador de Turismo “Conde de Gondomar”. Desde OVALMI animan a visitar Gondomar e degustar as deliciosas empanadas preparadas por grandes hostaleiros do municipio.

PARTICIPANTES Y SUS EMPANADAS

EL TRANVIA TU PAN TU CAFÉ EMPANADA DE CHOCO
RESTAURANTE PAZO DA ESCOLA (MAÑUFE) EMPANADA DE PAN DE TRIGO CON PANCETA, PISTO E TRIO DE QUEIXOS GALEGOS
JAMONERÍA TAPERÍA BASTIÓN EMPANADA BASTIÓN
CAFETERÍA KEIK EMPANADA DE QUESO CON MEMBRILLO Y NUECES
CAFETERÍA ALAMEDA EMPANADA DE BACALAO CON PASAS SIN CEBOLLA
CAFÉ BAR ESTANCO EMPANADA DE LANGOSTINOS E OUTRAS DELICIAS
TERRA, CEBADA E UVA EMPANADA MARIÑEIRA
XAMONERÍA CATRO CAMIÑOS EMPANADA CATRO CAMIÑOS
BOCATERÍA A BOCADOS EMPANADA BURGUER BACON
TAPERÍA CAFÉ AS NOVAS TORRES EMPANADA LACÓN CON CHORIZO