Este sábado 13 de marzo, tras un ano de pandemia sen poder acudir aos campionatos e tras varias suspensións, tivo lugar o Campionato de preselección provincial libre de Cadete a Sénior de Pontevedra 2021 en patinaxe artística sobre rodas, que nesta ocasión tivo o seu arranque no Pavillón Cándido Carrera en Salvaterra do Miño.
O Club Patinaxe Artística Gondomar volveu ás pistas pisando forte e conseguindo o ascenso a primeira categoría dos seus representantes Manuel Estévez, Sofía Fernández, Marta Goyanes, Paula Gilsanz e Sara Abal.
Esta preselección anual xa foi suspendida hai semanas por restricións na nosa comunidade debido á situación de saúde derivada da Covid19, podendo disputarse na xornada de onte as categorías cadete, xuvenil e júnior, quedando pendentes para a próxima fin de semana as categorías de infantil, alevín e benxamín en Redondela.
As patinadoras de David Figueroa demostraron neste campionato o seu ascenso a primeira categoría na disciplina deportiva de patinaxe artística sobre rodas mostrando o seu esvaramento con figuras, saltos e piruetas entre outros exercicios técnicos necesarios para a súa clasificación.
