12 farmacias do Val Miñor participan no programa de cribado poboacional de Covid-19

O pasado 3 de febreiro tivo lugar a firma do acordo entre a Consellería de Sanidade e o Colexio de Farmacéuticos de Pontevedra para a posta en marcha dun programa de cribado poboacional na provincia de Pontevedra, cuxo obxectivo é identificar a existencia de COVID-19 en persoas asintomáticas, coa colaboración das farmacias, mediante a análise dunha mostra de saliva por PCR aplicando a técnica de pooling.

Será o farmacéutico quen indique a proba á poboación diana, que debe cumprir os seguintes criterios:

• Ter tarxeta sanitaria Sergas
• Dispoñer dun teléfono móbil onde recibir o resultado da proba
• Non ter un resultado positivo en COVID-19 nos últimos 3 meses
• Non ser paciente paliativo ou inmobilizado
• Non traballar ou residir nunha residencia para persoas maiores ou persoas con discapacidade
• Non ser contacto de seguimento COVID-19
• Non facer unha PCR nos últimos 15 días

Ademais, para participar neste programa, a persoa non debe ter síntomas compatibles coa infección ocasionada por COVID-19. No caso de que os presente o farmacéutico deberá derivala ao seu centro de saúde para que lle soliciten unha PCR con mostra nasofarínxea canto antes.

O “Programa para a detección do virus SARS-CoV-2 na cidadanía da provincia de Pontevedra a través das oficinas de farmacia e mediante a auto recollida dunha mostra de saliva” iniciarase na poboación comprendida entre 40 e 64 anos e poderá estenderse a outros rangos de idade dependendo da situación epidemiolóxica.

Ata o momento adheríronse ao programa 345 farmacias da provincia de Pontevedra, cuxos farmacéuticos empezarán a próxima semana a indicar a proba e a facilitar o material e a información necesarios para a autorecollida de mostra de saliva ás persoas que cumpran os criterios establecidos pola Consellería de Sanidade.

Baiona Loperena de Saa, Cristina Avenida Monterreal, 2 986355801
Baiona Sánchez Otaegui, Ignacio Calle Carabela la Pinta, 13 986385252
Baiona Martínez Vázquez, Mª José Rúa Sta. Marta, 26-Urb. O Vidro. Bloq.1-Local 2 986358411
Baiona Loperena de Saa, Mª Pilar Avenida J. Valverde, 10 – Sabaris 986350808
Gondomar Abizanda Losada, Mariana Avenida de la Feria, 8 986389042
Gondomar Núñez Gestal, Mª Concepción Avenida del Conde, 22 986360002
Gondomar J. Cividanes – R. Alonso C.B. Calle Telleiro, 9 – Donas 986354954
Gondomar Castelo Zamorano, Ignacio Calle S. Miguel Peitieiros – Fonte 986389066
Nigrán Alén de la Torre, Mª Teresa Plaza Jesús Espinosa, 7 – Panxón 986368046
Nigrán Nájera Sotorrío, Mª Gloria Cándida Rúa do Mariñeiro, 3 – Panxón 986365894
Nigrán Vives Hermida, Susana Mª Calle Rans, 31 – Playa América 986353106
Nigrán Nimo Sotelo, Sonsoles Calle Rosalía Castro, 10 – Vilameán 986365794