Os comandantes dos Postos de Garda Civil, xunto cos Xefes de Policía Local dos municipios do Val Miñor, reunidos esta mañá na Xefatura de Gondomar, estableceron as novas directrices de colaboración e coordinación nas medidas de control anti COVID-19. Deste xeito, incrementarán notablemente os controis coordinados e conxuntos, de día e de noite, nos puntos estratéxicos da comarca, para evitar a mobilidade non xustificada e loitar contra a expansión da pandemia. “Precisamos e solicitamos a colaboración da veciñanza”, recordan.
