A pandemia non pode coa ilusión dos máis pequenos. Hoxe o alumnado do CPI Arquitecto Palacios de Panxón recibiu a visita do paxe dos Reis Magos co Buzón Real que esta semana percorre todo Nigrán. Curso a curso, e con distancia de seguridade, todos os nenos e nenas depositaron cartas cos seus mellores desexos de Nadal para que voen ata Oriente. Esta non é a única visita que agardan os pequenos do colexio, xa que esperan que na próxima semana o Apalpador baixe da montaña para coñecer e falar con todos os nenos e nenas.
