Unha muller de 93 anos de idade que fora diagnosticada por coronavirus faleceu este martes na Residencia Vila do Conde de Gondomar. Segundo informou a Consellería de Sanidade, tiña patoloxías previas. Con esta, xa son 7 as usuarias do centro situado na parroquia de Vilaza as que morreron con Covid-19, dúas no Hospital Álvaro Cunqueiro de Vigo e as outras cinco na propia residencia. O Sergas comunicou hoxe un total de 4 persoas falecidas que foran diagnosticadas por coronavirus. Ademais do caso de Gondomar, morreron outras tres mulleres, de 89, 93 e 94 anos, no Chuvi, no Chuac e no Chop (procedente da Residencia Soremay), respectivamente.
Falece unha muller con Covid-19 na Residencia Vila do Conde de Gondomar
