Este sábado faleceu aos 74 anos de idade Manuel Núñez Sestelo, xogador nos anos sesenta do Gondomar Club de Fútbol e presidente da entidade desde a tempada 1977/78 ata a tempada 1981/82. Durante a súa presidencia, o club logrou o ascenso de Terceira Rexional a Segunda Rexional (78/79), a Primeira Rexional (79/80), a Rexional Preferente –Serie A- (80/81) e por primeira vez na historia o ascenso a Terceira División, con Enrique Rodríguez Hermida como adestrador. Funcionario municipal, evitou a desaparición do club en varias ocasións, ocupando o posto de Presidente de Honra e sendo vogal da actual directiva, baixo a presidencia de Rosa Álvarez. Os funerais celebraranse este domingo día 8, ás 18:00 horas na Igrexa Parroquial de San Bieito de Gondomar. A continuación será o enterro no cemiterio municipal.
Falece Manuel Núñez Sestelo, ex presidente do Gondomar Club de Fútbol
