A Liga de Outono do Monte Real Club de Yates cita mañá sábado en Baiona á frota de J80 de Galicia para disputarse a súa segunda xornada a partir das tres da tarde.
Tres probas en programa, a posibilidade de que entre en xogo dun descarte e unha previsión meteorolóxica que anuncia refachos de vento de ata 30 nós poñerán emoción a unha tarde regateira á que o Okofen acode na cabeza da clasificación.
O campionato de monotipos arrancou fai quince días coa vitoria da tripulación de Javier de la Gándara, que asinou un pleno de tres vitorias nas tres probas disputadas e deixou sen opcións ao resto de participantes.
En segunda e terceira posición, a 6 e 7 puntos do líder, van o Alboroto de Juan Carlos Ameneiro e o Cansino de Fernando Yáñez, dúas das tripulacións que acoden á segunda xornada dispostas a asaltar o posto de honra.
Algo máis separados deles, pero tamén con posibilidades de subir caixóns ata os primeiros postos, van o Spaco de Santiago Estévez e o Ferralemes de Rosario García. E para esta xornada súmase tamén o Marías – Casas do Telhado, do portugués Manel María.
