Baiona celebra este venres e sábado, días 25 e 26 de setembro, a festividade de San Cosme e San Damián. O venres celebraranse misas ás 18:00 e 20:00 horas. O sábado haberá misas pola mañá ás 8:00, 9:00 e 10:00, sendo a solemne ás 12:00 horas do mediodía, e pola tarde ás 18:00 e ás 20:00 horas. Este ano, por mor da pandemia provocada polo Covid-19 e seguindo as normas sanitarias para o aforo das Igrexas, todo o culto celebrarase no Templo Parroquial, e non haberá nada na Capela de Santa Liberata. Tampouco se celebrará a habitual procesión.
