Teatro a distancia desde Gondomar en tempos do coronavirus, segunda parte

Dende o Centro Cultural de Chaín atrevéronse a facer a segunda parte da curtametraxe “A vida nos tempos do coronavirus”, interpretada por dúas das compoñentes do seu Grupo de Teatro A Moura, Carmen Grandal e Nieves Paz.

Despois da boa resposta do público, que os comentarios foron moi bos, na súa maioría, mencionaban a falta que facía unha nota positiva e humorística dentro de tanto drama e malas noticias, e vendo que a cultura en directo vai ser unha das últimas en saír do confinamento, cren que vale a pena facer este traballo, pensado para facer feliz, aínda que sexa por un momentiño, a todos os que as queiran ver.