O Ministerio de Sanidade iniciou a repartición de máis dun millón de máscaras cirúrxicas entre as comunidades autónomas.
Esta tarde chegou ao aeroporto de Zaragoza un avión de carga procedente de Xangai (China) con 500.000 máscaras que foron doadas e que serán repartidas nas próximas horas. Ademais, entre onte e hoxe procedeuse a distribuír outras partidas que, en total, suman 546.000 máscaras máis.
Así mesmo, o Ministerio de Sanidade mantén en activo unha compra centralizada de todo tipo de material sanitario para facer fronte á loita contra o coronavirus.
