Raúl Souto Valverde, veciño da Lameira, na parroquia nigranesa de San Pedro da Ramallosa, faleceu aos 48 anos debido a unha enfermidade. Neto dun dos fundadores da Parranda de San Pedro de Vilariño, ocupou durante varios anos o cargo de presidente, dando paso á actual directiva, presidida por Evaristo Blach, con Manuel González como secretario e Carlos Riveiro ocupando o posto de relacións públicas. Os seus restos mortais serán velados na Sala 4 do Tanatorio do Miñor, en Sabarís, desde onde comezarán as exequias este martes, 14 de xaneiro, ás 16:00 horas. A directiva da Parranda de San Pedro quere mostrar o pésame á familia.
Falece aos 48 anos Raúl Souto Valverde, ex presidente da Parranda de San Pedro
