Nigrán retoma o programa “Coñecendo a pé a nosa contorna” cunha andaina de Ramallosa a Panxón

O Concello de Nigrán retoma este xoves 5 de decembro o seu programa destinado aos maiores do municipio “Coñecendo a pé a nosa contorna” cunha andaina polo camiño portugués pola costa dende A Ramallosa a Panxón na que, nesta ocasión, participarán alumnos do CEE de Panxón co obxectivo de que sexa unha actividade interxeracional. Este programa de lecer municipal está deseñado para promocionar o exercicio físico e a socialización entre a xente de idade, dúas cuestións fundamentais para manter unha vida saudable.

O Concello dispoñerá dun autobús gratuíto para o regreso a A Ramallosa e os interesados en participar deberán presentarse ás 9:30 horas (non é preciso inscrición previa) na ponte romana, onde rematará a andaina sobre as 12:00 horas. A duración aproximada será dunhas 2,5 horas e a dificultade é baixa. A actividade incluirá visita ao Templo Votivo de Panxón e rematará cunha chocolatada ofrecida polo CEE de Panxón nas súas instalacións. Recoméndase levar roupa e calzado axeitado e auga.

Anuncios