Gondomar implica aos mozos e as súas familias na detección de problemas como o acoso

Facilitar as ferramentas e coñecementos precisos aos máis novos para facer fronte a problemas reais e existentes, como o ciberacoso, os trastornos alimentarios ou as novas formas de violencia de xénero é o obxectivo do ciclo de charlas promovido polo goberno de Gondomar, a través da Concellería de Xuventude.

Baixo o título “Falamos” este ciclo, conformado por 15 charlas, desenvolverase durante todo o mes de novembro nos Institutos de Ensino Secundario Auga da Laxe e Terra Turonio, dirixido a mozos/as de idades comprendidas entre os 12 e 14 anos.

Con eles traballarase ao redor de catro temáticas: ciberseguridade, trastornos alimentarios, novas formas de violencia e intelixencia emocional. A través de intervencións, que se completarán con obradoiros nos que a súa implicación será fundamental, búscase visibilizar ante a mocidade estas cuestións como problemas, á vez que se facilitan as pautas para saber abordalos e atallalos cando se presentan.

Paralelamente, coa colaboración das ANPAS dos centros, buscarase a implicación das nais e pais no programa coa celebración de catro charlas, dirixidas especialmente ás familias, os días 22 e 29 de novembro, e, 13 e 20 de decembro, e que se abrirán ao público en xeral, dada a importancia dos temas que nelas abórdanse.

O obxectivo é dotar ás familias de pautas para detectar a existencia dalgún destes problemas nos seus fillos/as, así como as ferramentas e medios para poder abordalos de forma correcta, ben na propia contorna familiar, no centro escolar ou coa axuda de especialistas.

2019-11-06 - image1 (1)

Anuncios