A Concellería de Igualdade de Baiona que dirixe Yasmina Moreira Costas, no marco do Programa de activación de emprego para as mulleres do municipio, cofinanciado pola Deputación de Pontevedra, organiza para o 12 e 13 de novembro en horario de 10:00 a 13:00 horas un curso de manipulación de alimentos que se impartirá nas instalacións do Edificio Multiusos Ángel Bedriñana. O curso, que é gratuíto, acredita un total de 10 horas: seis serán presenciais e 4 a distancia. Para inscribirse ou recibir máis información contactar co CIM de Baiona no teléfono 986 357 554.
