Este sábado tráxico en Galicia con varios mortos nas estradas da nosa Comunidade rematou tamén en traxedia para o deporte. Un xogador do equipo C do Baíña Fútbol Sala de Baiona falecía durante o partido que o seu equipo xogaba na pista do Gándara Guillarei este sábado pola noite. Marcos V.G. sufriu unha indisposición e nada se puido facer por salvarlle a vida.
A noticia deixou consternado a todo o fútbol sala galego. A Real Federación Galega de Fútbol, co presidente Rafael Louzán á cabeza, traslada o seu pésame e condolencias á familia e amigos de Marcos, así como a todos os que forman a gran familia do Baíña Fútbol Sala de Baiona.
