O Subsector de Tráfico da Garda Civil de Pontevedra puxo en marcha a campaña da Dirección Xeral de Tráfico de prevención de atropelos na estrada que se desenvolverá ata finais do próximo mes de novembro na comunidade autónoma de Galicia.
Durante a xornada de onte, efectivos do Destacamento de Tráfico da Garda Civil de Vilaboa e O Porriño fixeron entrega de varios chalecos reflectores aos peregrinos que transitaban polo Camiño de Santiago nas súas interseccións ou coincidencias coa rede viaria das súas respectivas demarcacións.
Entre os obxectivos desta campaña, que ten por finalidade evitar os atropelos na estrada, figura a distribución de chalecos de alta visibilidade entre peóns, especialmente persoas maiores, camiñantes e peregrinos.
Preténdese concienciar aos peóns de que teñen que facerse ver na estrada facendo uso do chaleco reflector, mesmo durante o día e fomentar hábitos de comportamento para crear condutas seguras, no entendemento de que a contorna familiar do peón maior debe transmitir o perigo que supón camiñar sen chaleco.
Na campaña, tamén se prestará especial atención aos condutores, procurando que fagan uso do chaleco de alta visibilidade sempre que descendan do vehículo e ocupen a calzada ou a beiravía en vías interurbanas.
