A Asociación de Veciños “A Camoesa” organiza un curso de alfabetización dixital a través do programa “Conectadas 2019” da Deputación de Pontevedra. O curso, que dará comezo o próximo 18 de setembro, centrarase en obter coñecementos básicos, habilidades e destrezas no manexo das novas tecnoloxías, aprender a manexar o correo electrónico, a tableta, o teléfono intelixente, etc. Consta de 35 horas, das cales 5 serán de igualdade, e desenvolverase de 17:00 a 19:30 horas. Hai dispoñibles 21 prazas. Os formularios para inscribirse están ao dispor dos interesados no Centro Cultural de Camos.
