A Concellería de Servizos Sociais de Baiona ofrece o “Obradoiro de xogos con risas aseguradas”, dentro do programa “Tecendo Lazos” promovido pola Deputación de Pontevedra. A inscrición no mesmo asegura a diversión, e poden acceder dende os máis pequenos ata os mais maiores de cada familia. O obradoiro terá unha duración de 16 horas repartidas nas tardes dende o 7 ao 11 de outubro, en horario de 16:00 a 19:30 horas. Os interesados en participar deberán facer a súa inscrición no Departamento de Servizos Sociais a partir de xoves día 5 e ata o 24 de setembro, en horario de 9:00 a 14:00 horas. Para calquera dúbida ou consulta serán atendidos no número de teléfono 986 38 59 26.
