Gran encontro do Gondomar CF, que esta tempada buscará o retorno á primeira rexional. O equipo que prepara Víctor Santos presentouse ante a afección con moitas caras novas, e cun partido para a lembranza ante todo un Preferente como o Cultural Areas, que ten o obxectivo de retornar á Terceira División.
Abriría o marcador un Ozores que reivindicouse con tres goles, logo dun gran testarazo tras un bo centro ao área visitante. Ampliaría diferenzas a mesmo xogador, antes de que os visitantes recortasen diferenzas cun bo gol de Pedro. Antes do descanso, a boa presión dos locais permitiu un roubo de balón que o dianteiro Rafa mandou ao fondo da rede.
Na segunda metade, o Cultural Areas recortou diferenzas mercé a un gol do baionés Antón de falta directa. O carrusel de cambios non fixo que o Gondomar decaese senón todo o contrario, e no tramo final o rexeite dun penalti fixo que Ozores anotase o 4-2 definitivo. Iso fixo que o Trofeo Vila de Gondomar quedase na casa, para agrado da afección local.
O vindeiro 1 de setembro, o equipo xogará a segunda edición do Trofeo do Val Miñor, nun triangular ante o Balaídos e o Racing Vilariño, a partires das 18:00 horas nas Gaiandas.
