Un total de 180 corredores participaron este domingo na XIX Marcha Cicloturista Concello de Gondomar, organizada polo Club Ciclista Gondomar e apadriñada nesta edición por Jacobo Ucha, Marina González, Gustavo Veloso, Álex Marque e Iván Raña.
Pasadas as 9:30 da mañá o pelotón partía desde a rúa Eduardo Iglesias, fronte ao Concello de Gondomar, para completar un percorrido de 106 km, pasando por Baiona, Oia, A Guarda, O Rosal, Tomiño, Alto de Tebra, San Antoniño, Tui, Monte Aloia, Morgadáns e Couso, finalizando na Alameda de Gondomar.
Unha vez finalizada a proba os participantes puideron gozar duns petiscos. Para pechar a xornada, o alcalde de Gondomar, Francisco Ferreira, a concelleira de Deportes, Nuria Lameiro, e a concelleira de Infraestruturas, Iria Lamas, foron os encargados de facer a entrega de trofeos aos corredores premiados nesta XIX edición.
Trofeos 3 primeiros en chegar do tramo libre Tebra-Monte Aloia:
1º David Gómez
2º Ubaldo Rodríguez
3º Juan Luis López de Guereño
1ª Aida García
2ª Lydia Adelin
3ª Susana Alonso
Trofeo ao club máis numeroso:
CC Illas Cíes
Trofeo ao club máis afastado:
Ciclismo Oiense (Oia)
Trofeo ao ciclista masculino de maior idade:
Manuel Cruces Prado
Trofeo ao ciclista masculino de menor idade:
David Villar Román
Trofeo á ciclista feminina de maior idade:
Lyudmyla Chub
Trofeo á ciclista feminina de menor idade:
Yoana Taboada
