13 artefactos flotantes participarán no “Flota como Poidas”

FOTO: ALBERTO RODRÍGUEZ // Flota como Poidas.

Un total de 13 “artefactos flotantes” con 97 tripulantes participarán este domingo 18 de agosto no divertido “Flota como Poidas” organizado polo Concello de Nigrán ás 17:30 horas dende a ponte de Ramallosa, no Río Miñor. Premiarase o artefacto flotante máis traballado e ao máis cutre, á tripulación máis simpática, á familia máis intrépida e participativa, ao tripulante máis vello e máis novo e ao “Titanic” da edición.

O evento consta dunha baixada de artefactos flotantes polo río Miñor con saída e chegada ao mesmo punto, nun percorrido circular. Non hai ningunha limitación para a imaxinación na construción dos mesmos, só que flote e poida navegar propulsado a remo ou a vela. O “Flota como Poidas” coincidirá nesta ocasión coa festa da cervexa artesá Val Miñor Fest, que precisamente celebra o seu último día este domingo na Alameda.

Anuncios