O Concello de Baiona, en colaboración con ACEBA, organiza por sexto ano consecutivo o Frades Sunset Festival con dous cabezas de cartel como son Albert Neve e a internacional Yasiris. Xunto a eles teremos a actuación dos xa consagrados mellores Djs do momento: o baionés Yaggo, Ángel Vakeiro, Ludwing Van Brothers, Groove Amigos e Kovigz nunha contorna inigualable xunto a unha das postas de sol máis espectaculares da Rías Baixas Galegas.
Albert Neve, artista nado en Barcelona que conseguiu consolidarse como unha das figuras máis reputadas da música electrónica en España, grazas aos seus temas en solitario e aos seus espectaculares remixes e colaboracións con artistas de primeiro nivel mundial como David Guetta, Dimitri Vegas&Like Mike, Tiesto, Martín Garrix, Steve Aoki, Armin Van Buuren, Afrojack, Hardwell, Sander Van Doorn, Laidback Luke ou Nicky Romero, entre outros.
Albert é xa un nome na música electrónica e os seus numerosos éxitos xustifican que a carreira profesional de Neve estea en pleno auxe. A súa música levoulle ao redor do mundo desde Asia ata Sudamérica, de Tomorrowland a Ultra, e os seus hits seguen emocionando tanto aos fans como ao seu incondicionais.
Yasiris, artista nada na República Dominicana e residente en España desde os 10 anos. Con tan só 19 empezou a destacar pola súa enerxía, carisma e estilo tanto dentro do escenario como fóra del, converténdose nunha das artistas máis recoñecidas dentro do panorama musical español.
Gañadora do concurso Gana Con Tu Voz 2017, a partir dese momento a súa carreira cambiou e asinou contrato co selo discográfico Cat Music Spain. Despois de lanzar o seu primeiro single en 2018 “Hasta mañana” xunto a Ilinca, en febreiro de 2019 lanzou xunto a Juan Magán, Mohombi e Hyenas “Claro que si”, unha das súas colaboracións máis importantes ata o momento. Este tema converteuse nun hit a nivel internacional e acumula xa máis de 5 millóns de visualizacións en YouTube.
Neste momento é unha das cantantes latinas máis destacadas polo seu show, onde interpreta os seus temas propios, mesturados con covers dos hits máis actuais. Todo iso fai que sexa demandada polos mellores clubs e festivais, con máis de 40 datas confirmadas a nivel nacional e internacional este ano.
Acaba de lanzar o seu novo single “Dáme”, son regaeton, cunha letra moi sensual, que está preparado para soar nas principais emisoras de radio e os mellores clubs do país. Conta xa con máis de 400.000 visitas. A súa voz, a súa imaxe e o seu estilo hana encumbrado ao éxito e aínda ten potencial para chegar aínda máis lonxe.
O Frades Sunset Festival arrancará ás 17:00 horas na contorna máxica da Praia dos Frades e nun formato único en Galicia. Haberá máis de 12 horas de música en directo con zona chill- out, obradoiros da man de Matrácala e animación circense que correrá a cargo de Troula Animación ao longo de toda a tarde. Entrada a noite, teremos a actuación de Pablo Méndez Performances cun espectáculo que non nos deixará indiferente.
O Concello de Baiona e a Asociación de Comerciantes e Empresarios de Baiona convida a gozar dun dos festivais máis singulares do momento. Será o 17 de xullo.
