Un total de 16 equipos da comarca do Val Miñor participarán en Gondomar no Torneo de Fútbol Sala San Bieito, que cumpre a súa oitava edición e se disputará entre os días 8 e 13 de xullo, coincidindo coa celebración das festas patronais de San Bieito.
Organizado pola Concellería de Deportes do Concello de Gondomar e o Cereixa Vincios Fútbol Sala os partidos se xogarán no Pavillón de Deportes Municipal de Gondomar, en dúas fases: preliminar e final.
A fase preliminar, que xogarán todos os equipos, desenvolverase ata o día 8, disputándose a fase final o próximo sábado 13 de xullo a partir das 15:00 horas da tarde.
Ademais de recibir trofeos os catro primeiros clasificados, recoñecerase ao equipo máximo goleador, o menos goleado e a deportividade.
