A Praia da Ribeira acolleu este sábado a celebración da X Travesía a Nado Vila de Baiona, que contou con preto de 300 inscritos repartidos nas categorías Sub-12, que deberon completar 100 metros, Sub-16, cun percorrido de 500 metros, e Adultos e Veteranos, que completaron 1.800 metros a nado entre as Praias da Barbeira e A Ribeira.
Por cuarto ano consecutivo, Marcos Vila Cid foi o primeiro en cruzar a liña de meta cun tempo de 24:03. Inés Castaño García completou o percorrido en 27:03, converténdose na campioa feminina. Os primeiros baioneses en chegar á meta foron Marcos Domínguez Aguiar, por terceiro ano, cun tempo de 26:44, e Cruz Refojos Meneses, que completou os 1.800 metros en 36:14. Por equipos, o vencedor foi o Club de Natación Vigo Rías Baixas.
En Sub-12, o vencedor foi Pablo Rosales Gallego (2:29). Lucas Ribó Miguel (2:31) e Teo Alonso Vidal (2:36) foron segundo e terceiro respectivamente. Esther Martínez Morán (2:35) foi a primeira en cruzar a meta, seguida de Sara Tajes Lede (2:38) en segunda posición e Ainoa Pardavila Davila (2:43) pechando o podio.
En Sub-16, Nicolás Vázquez Fernández (7:43) foi o primeiro en completar os 500 metros. Nicolás M. Cons Gestido (7:49) foi segundo e Ricardo Matías Santos (8:10) terceiro. Iria Guadalupe Lemos Fernández (7:56) foi a campioa na categoría feminina, mentres que Marta Novo Divos (8:10) ocupou a segundo posición e Victoria A. Cons Gestido a terceira.
A Travesía a Nado de Baiona está organizada pola Concellería de Deportes coa colaboración da Piscina Mancomunada do Val Miñor.
