Gondomar organiza cursos de primeiros auxilios nos Centros Culturais

A Concellería de Deportes de Gondomar vai poñer en marcha durante o mes de xullo un ciclo de charlas sobre primeiros auxilios en cada unha das parroquias do Concello, baixo o lema “TI PODES SALVAR UNHA VIDA”.

“Queremos facilitar a participación de toda a veciñanza nesta actividade realizándoa na súa contorna máis inmediata”, sinala a responsable da área de Deportes, Nuria Lameiro.

Nesas dúas horas traballaranse as distintas pautas de actuación básicas ata que non chegue a asistencia médica de maneira teórico-práctica. Ocuparanse dos signos vitais, avaliación primaria e secundaria, síncopes, convulsións, conduta PAS, atragantamentos posición lateral de seguridade, centrándose na reanimación cardio/pulmonar.

“Todos debemos ter uns coñecementos mínimos imprescindibles para que o noso deber de prestar axuda sexa eficaz e poidamos tanto minimizar lesións nun accidente como salvar a vida do accidentado”, conclúe a concelleira.

Centro Data Horario
Centro Neural Gondomar

Inscricións 986.369.746

01/07/19

08/07/19

M:11.00-13.00

T: 20.00-22.00

M:11.00-13.00

Centro Cultural de Mañufe 03/07/19 T: 20.00-22.00
Centro Cultural de Vincios 04/07/19 T:20.00-22.00
Centro Cultural Sta. Eulalia Donas 08/07/19 T:20.30-22.30
Centro Cultural de Couso 16/07/19 T:19.00-21.00
Centro Cultural S. Roque de Morgadáns 17/07/19 T:19.00-21.00
Centro Cultural e Recreativo Peitieiros 22/07/19 T:20.00-22.00
Centro Cultural de Borreiros 24/07/19 T: 17.00-19.00
Centro Cultural O Castelo Vilaza 29/07/19 T:20.00-22.00
Centro Cultural A Merced Chaín 31/07/19 T:20.00-22.00

Todos os interesados en participar nestas 12 charlas deben poñerse en contacto co centro cultural da súa parroquia. Para os que se van realizar no Centro Neural deberán inscribirse no 986.369.746.