Este sábado día 29 de xuño ás 21:00 horas na Praza do Concello de Baiona terá lugar a Gala Final do concurso de Mellor Canción Galega 2019, organizado polo Concello de Baiona para impulsar, recoñecer a creación, a diversidade, e a calidade da música feita por galegos en lingua galega.
Nesta primeira edición presentáronse un total de 17 cancións de distintos estilos musicais, sendo preseleccionadas polo xurado 10, que pasan directamente á final, da que sairán os tres primeiros premios. Todos os concursantes defenderán a súa canción nunha gala que será presentada por Rafa Durán, actor, presentador, cómico e showman baionés.
Ao finalizar a gala terá lugar a entrega dos premios, consistentes nun 1º premio de 600 euros máis unha actuación a caché na programación do Baiverán 2019, un segundo premio de 400 euros e un terceiro de 250.
As cancións seleccionadas son:
| NOME DA CANCIÓN | INTÉRPRETE |
| CAVERNA DIXITAL | O GATO DE CHESHIRE |
| SOMOS | DAVID DEALONSO |
| CONVICCIÓN | DENÍS |
| XOTA DOS ZAPATIÑOS | ERGUTÍO |
| OSVALDO | MOMBOI |
| NADA É NOSO | THE MIRROR |
| A TÚA PEGADA | LUCÍA DOVAL |
| FOLIADA DO PORRIÑO | GRUPO DE MÚSICA TRADICIONAL FEIXOADA |
| XOTA DE SOUTOMAIOR | AIRIÑOS DE PENEDA |
| MEU PAI EU TEÑO UN SOÑO | MARI COSTA |
