Dúas voluntarias da protectora de animais Baisenpulgas, acompañadas por Puah e Sifrah, achegáronse este xoves ata o CPI Cova Terreña de Baiona a recoller uns donativos dos alumnos e alumnas de 5º de Primaria. Con material doado polas súas familias, os nenos e nenas, moi preocupados polo benestar dos peludos e querendo que o pasen o mellor posible, elaboraron na clase de Plástica, cosendo, unhas orixinais camas e xoguetes reutilizando teas, cordeis, bólas de tenis usadas, etc. Os pequenos aprenderon que para colaborar non fai falta gastar diñeiro. Ana e Laura agradeceron ao alumnado ese tempo que dedicaron a elaborar os agasallos. Tamén lles falaron sobre o traballo que fai a protectora. Moitos alumnos xa queren seguir colaborando con Baisenpulgas para atender, pasear, limpar…
