Campaña a prol da compostaxe en Gondomar

O alumnado de Ciencias Aplicadas á Actividade Profesional de 4º de ESO do IES Plurilingüe Terra de Turonio está a desenvolver unha campaña a prol da compostaxe en Gondomar, co obxectivo de activar o uso das dúas composteiras comunitarias existentes no centro urbano da Vila Condal. Deseñouse un logo do que se fixo un imán, un tríptico explicando distintos aspectos da compostaxe, e distintos carteis e panfletos para repartir e pegar nos distintos locais de Gondomar. Toda esta información será exposta no congreso de compostaxe do Proxecto Revitalízate da Deputación de Pontevedra que terá lugar na última semana de maio.

Anuncios