Galicia acode ao Campionato de España júnior de Loitas Olímpicas, que terá lugar do 29 ao 30 de marzo en Madrid. 24 deportistas, 6 técnicos e 4 árbitros, representarán a Galicia nesta cita. O pavillón exterior do CSD será a sede de esta cita nacional, valedoira para os Campionatos de Europa júnior que terán lugar en Pontevedra a primeiros do mes de xuño.
Os baioneses David González, Anxo Uzal e Cristian Suárez formarán parte da Selección Libre Olímpica Júnior. Os tres deportistas do Club de Loita Sabarís, que se proclamaron campións galegos o pasado mes de febreiro, competirán nas categorías de 57 kg, 61 kg e 74 kg respectivamente.
A competición desenvolverase en 3 tapices oficiais, na que o sábado 30 de marzo en xornada de mañá, resolverá os campións das 30 categorías olímpicas postas en xogo. 10 categorías en Libre Olímpicas, 10 en Feminina e 10 en Grecorromana.
Galicia aspira a subir ao máis alto do podio, sobre todo en Libre Olímpica e Feminina, sendo estas modalidades as máis populares na nosa comunidade. Tamén están os ollos postos na Loita Grecorromana, onde os novos valores, tratan de abrirse camiño.
