O Instituto de Estudos Miñoráns continúa este venres día 22 de marzo ás 20:30 horas co ciclo de faladoiros «Galicia 2017-2020: presente e futuros. Municipalismo», no que intervirá o deputado e secretario de organización do Partido Popular de Galicia, Alberto Pazos. Moderará a xornada, que se desenvolverá na Aula de Cultura Ponte de Rosas (Avenida da Feira Nº 10 baixo, Gondomar), o analista internacional Laudelino Pellitero. O contido da xornada tratará sobre o municipalismo.
