Rescatado un octoxenario tras caer ao río Miñor

Un home de avanzada idade caeu este xoves ao río Miñor nas proximidades da ponte romana de Mañufe. Unha patrulla da Policía Local de Gondomar acudiu no seu auxilio tras recibir a comunicación do Centro Integrado de Atención ás Emerxencias (CIAE) 112 Galicia ás 10:15 da mañá. Os axentes atoparon ao veciño de Mañufe, de 88 anos de idade, agarrado ás ramas dunha árbore para non ser arrastrado pola corrente, mentres loitaba para tentar escalar e subir por un desnivel vertical duns 4 metros.

Os efectivos policiais lanzáronlle unha corda para aseguralo e coa axuda dos veciños comezaron a subilo fóra da auga. Seguidamente, xunto con efectivos do GES de Val Miñor, cunha escaleira subía pola súa propio pé. Resultou ileso e non foron necesarios coidados médicos nin atención sanitaria. O home manifestaba aos axentes que se atopaba limpando a maleza da leira cunha fouce cando á beira do río o terreo cedeu baixo os seus pés perdendo o equilibrio e caendo ás frías augas do Miñor.

Anuncios