O Baíña Fútbol Sala de Liga Preferente recibe este domingo ás 19:00 horas ao CD Beade no Municipal de Baiona.
O equipo baionés está situado no segundo posto da clasificación e recibe aos vigueses, que están a realizar a súa mellor campaña, e o partido será un duelo directo polos postos que dan o ascenso á Liga Nacional. Durante o descanso realizaranse varios concursos de puntería e de chilenas para todos os nenos e nenas que desexen participar.
Ademais, a fin de semana estará cargada de partidos para a base do Baíña, máis de 100 xogadores que semana a semana gozan dun dos máis apaixonantes deportes.
