A Asociación de Comerciantes e Empresarios de Baiona (ACEBA), asistiu hoxe á Feira Internacional de Turismo (FITUR) que se celebra entre o 23 e o 27 de xaneiro en Madrid. Ao evento acudiu o seu presidente, Marcos Comesaña, e Roberto Fernández, Vocal. Ambos foron visitando as casetas que había na feira así como participando nas diferentes convencións e encontros que se celebraron. A Asociación busca apoiar a promoción turística en FITUR, polo que cada ano quere estar presente neste evento. Na caseta de Cantabria, estiveron acompañados polo alcalde de Baiona e presidente de Villas Marineras, Ángel Rodal, e por David Bustamante, que recibiu o IV Premio de Villas Marineras polo seu gran labor como embaixador das mesmas.
