Anuncios
Ticker de novas

Catro deportistas do Club de Loita Sabarís acoden ao Gran Slam de Braga

FOTO: CLUB DE LOITA SABARÍS // Os representantes do club no Campionato Galego júnior e escolar.

Galicia acode ao Gran Slam de Braga de Loitas Olímpicas, que terá lugar no Pavilhão Gimnodesportivo de Mire de Tibães (Braga, Portugal), o sábado día 17 de novembro, nas categorías de deporte base, escolar, cadete e júnior/sénior. O combinado galego estará formado por máis de 50 deportistas, que representarán as catro provincias galegas.

A principal novidade deste ano, é que se competirá nas modalidades de Loita Libre Olímpica e Loita Feminina. En anos anteriores a Loita Grecorromana era exclusiva de esta competición. En Galicia ten máis tradición e resultados a Libre Olímpica e Feminina. Esta competición serve como fase preparatoria das diferentes seleccións galegas, de cara o vindeiro ano.

Asistirán clubs da zona de Vigo e Baiona, mobilizando o resto dos seus deportistas como son o Club Ciudad de Vigo, Club El Castro de Vigo e Club de Loita Sabarís de Baiona. Do club baionés están convocados catro deportistas, David González, Anxo Uzal, Cristian Suárez e Omar Rodríguez. Os tres primeiros formarán parte da Selección Libre Olímpica Cadete, en 60, 65 e 71 kg respectivamente. Omar acudirá xunto coa Selección Libre Olímpica Júnior/Sénior, en 74 kg.

Anuncios