Calleja emociónase coas anécdotas do incendio de Chandebrito

Hai xusto un ano, Galicia sufriu unha das maiores catástrofes forestais das últimas décadas, con máis de 200 focos de incendios activos de forma simultánea. O equipo de “Volando Voy” trasladouse ata Chandebrito para escoitar os testemuños dos seus habitantes e cumprir unha dobre misión de prevención de incendios e rehabilitación de terras devoradas polas chamas.

Produciuse un incendio «máis aló do convencional». Os veciños de Chandebrito contáronlle a Jesús Calleja os recordos que teñen do inferno que se desatou na súa localidade: «Non se podía acceder onde necesitaban axuda, todos os accesos pecháronse», explicaba Rosa Pereira.

«É impactante ver o que é capaz de facer o ser humano nunha situación desesperada». Ese é o caso de Eva Pérez, unha das sobreviventes do incendio que tivo lugar nos bosques de Galicia. A estudante convida a Jesús Calleja á súa casa para narrar a súa heroica experiencia e contar como se sentiu despois de escapar do seu coche ardendo.

Eva, ao sobrevoar Chandebrito: «Que pena, non se ven nin paxaros»

Era a primeira vez que Eva, veciña de Chandebrito, voaba en helicóptero e tamén a primeira oportunidade de sobrevoar o bosque que foi arrasado polas chamas en 2017. A moza non puido evitar sentir tristeza ao velo todo negro, ao sentir que xa non había paxaros e enviou unha mensaxe aos autores de tal masacre.

Reto conseguido! 200 persoas únense para repoboar Chandebrito

Os habitantes de Chandebrito non dubidaron en unir forzas e sumarse ao reto de “Volando Voy” para repoboar os seus bosques con 1.000 árbores de distintas especies. Un novo reto conseguido por Jesús Calleja e o seu equipo.

O programa completo pódese ver na seguinte ligazón.