Máis de 800 persoas asistiron este domingo á Festa dos Callos organizada pola Comisión de Festas de San Antonio de Vilariño. Desde as 13:30 horas púidose degustar o tradicional prato no Torreiro da Festa por 6 euros a tapa pequena e 10 euros a grande. Tamén houbo orella, tortilla e empanada, ademais do sorteo de varios donativos a cargo de Carlos Riveiro, máis coñecido como Carlos de Gondomar. O evento estivo amenizado ademais polo grupo de acordeóns Chorima de Tui.
