Anuncios
Ticker de novas

Sufocado un incendio forestal na Ramallosa

FOTO: ALBERTO VÁZQUEZ // A columna de fume desde Sabarís.

Na tarde deste martes declarouse un incendio forestal nunha leira privada da Cabreira, na parroquia nigranesa de San Pedro da Ramallosa. Na súa extinción participou o GES do Val Miñor e bombeiros forestais, que mobilizaron dúas motobombas, tres brigadas, unha delas semitransportada, e dous helicópteros. O lume, ao parecer provocado por unha queima descontrolada, afectou a unha superficie de 2.000 metros cadrados. Nestes momentos a Consellería do Medio Rural mantén a prohibición de realizar queimas agrícolas e forestais tendo en conta as condicións meteorolóxicas actuais e as previsións para os próximos días.

Anuncios